لاہور(سپورٹس رپورٹر) ڈار ہاکی اکیڈمی کے زیر اہتمام جاری انڈر 18ٹورنامنٹ میں لاہور گرینز اور بنوں کی ٹیموں نے فائنل کے لیے کوالیفائی کر لیا ہے۔ نیشنل ہاکی سٹیڈیم پچ نمبر دو میچ جاری ٹورنامنٹ میں جمعہ کے روز آخری لیگ میچز کھیلے گئے جس میں گوجرہ اور لاہور گرینز کی ٹیموں نے اپنے اپنے میچز جیت لیے۔ پہلا میچ گوجرہ اور لاہور وائٹس کی ٹیموں کے درمیان کھیلا گیا جس میں گوجرہ کو پول میں نمبر ون کی پوزیشن حاصل کرنے کے لیے کم از کم میچ چھ گوبل کے مارجن سے جیتنا ضروری تھا تاہم گوجرہ کی ٹیم پہلے 35 منٹ میں تین گول کرنے میں کامیاب ہو سکے تاہم باقی میچ میں لاہور وائٹس ٹیم نے بہتر کھیل پیش کرتے ہوئے گوجرہ کو مزید کوئی گول نہ کرنے دیا۔