لاہور (نمائندہ سپورٹس ) پشاور کے ذیشان زیب نے پشاور ہی کے فہد شریف کو گیارہ چھ، گیارہ تین اور گیارہ صفر سے ہراکر خیبرپی کے انٹر ڈسٹرکٹ سکواش چیمپئن شپ جیت لی۔ ڈائریکٹر جنرل سپورٹس اسفندیار خٹک نے کھلاڑیوں میں انعامات تقسیم کئے۔ سکواش کے سابق عالمی چیمپئن قمر زمان، ڈپٹی ڈائریکٹر سپورٹس عزیز اللہ جان، سکواش ایسوسی ایشن کے ایگزیکٹو ممبر وزیر خان، شیر بہادر اور ریفری منور زمان بھی اس موقع پر موجود تھے۔ چیمپئن شپ میں صوبے کے مختلف اضلاع کے کھلاڑیوں نے حصہ لیا۔ چیمپئن شپ سکواش ایسوسی ایشن کے کیلنڈر کا حصہ تھی اس سے قبل لڑکوں اور لڑکیوں کی جونیئر چیمپئن شپ کھیلی گئی تھی۔