تیونسی صدر روبہ صحت ،ہسپتال میں وزیردفاع کو طلب کرکے ملکی صورتحال پر بریفنگ لی

تیونس سٹی (این این آئی)شمالی افریقی ملک تیونس کے صدارتی دفتر سے بتایا گیا ہے کہ علیل صدر الباجی قائد السِبسی کی صحت حیران کن انداز میں بہتر ہو رہی ہے۔ غیرملکی خبررساں ادارے کے مطابق بانوے سالہ صدر السِبسی کو جمعرات ستائیس جون کو صحت کے شدید مسائل کے تناظر میں فوجی ہسپتال منتقل کر دیا گیا تھا۔گزشتہ روز صدر نے اپنے وزیر دفاع کو طلب کر کے ملکی صورت حال پر بریفنگ بھی لی۔ تیونسی حکومت کی جانب سے السِبسی کی علالت بارے کوئی تفصیل جاری نہیں کی گئی۔