میاں چنوں : ٹرانسفارمر ٹھیک نہ کرنے پر واپڈا کیخلاف احتجاج‘ علامتی جنازہ پڑھایا

میاں چنوں (نامہ نگار) 4دن قبل جلنے والا ٹرانسفارمر ٹھیک نہ ہوسکا، عوام کا واپڈا کے خلاف شدید احتجاج، علامتی جنازہ پڑھا دیا، تفصیلات کے مطابق میاں چنوں کے نواحی گائوں51پندرہ ایل کے رہائشیوں نے واپڈا کے خلاف شدید احتجاج کرتے ہوئے بتایا کہ 4روز قبل گائوں میں بجلی کا ٹرانسفارمر جل گیا تھا جس کی شکایت متعدد بار کی مگر واپڈا افسران عوامی شکایت سننے اورٹرانسفارمر ٹھیک کرنے یا تبدیل کرنے کو تیا ر ہی نہیں ہیں، مظاہرین نے احتجاج کے دوران واپڈا کے خلاف شدید نعرے بازی کی اور احتجاجاً واپڈا کا علامتی جنازہ پڑھایا، مظاہرین واپڈا کے نااہل افسران کو تبدیل کرنے اور عوامی مسئلے کوحل کرنے کا مطالبہ کیا ہے۔