لاہور(کلچرل رپورٹر) آسکر ایوارڈ یافتہ پاکستانی فلمساز شرمین عبید چنائے نے پاکستان کے سپر سٹار فواد خان کو ناقابل یقین ورسٹائل اداکار قرار دیدیا۔ شرمین عبید چنائے نے فواد خان کیساتھ کام کرنے کے تجربے کے بارے میں بات کی۔انہوں نے کہا کہ فواد خان ایسے ناقابل یقین اداکاروں میں سے ایک ہیں، جوکہ ورسٹائل ہیں۔ جیسے ہی وہ سیٹ پر آتے ہیں اور آپ ان سے ایکشن میں آنے کو کہتے ہیں، تو آپ انہیں کام کرتے دیکھ کر باقاعدہ محسور ہوتے ہیں۔ فواد خان واقعی لاجواب ہیں۔