انگلش کائونٹی : محمد رضوان کی شاندار کارکردگی ‘سسکس نے ڈربی شائر کو شکست دیدی 

لاہور(سپورٹس رپورٹر)انگلش کاؤنٹی چیمپئن شپ میں پاکستانی کرکٹرز کی شاندار پرفارمنس کا سلسلہ جاری ہے۔ قومی ٹیم کے وکٹ کیپر بیٹر محمد رضوان نے سسکس کی نمائندگی کرتے ہوئے ڈربی شائر کیخلاف پہلی اننگز میں 130 اور دوسری اننگز میں ناقابلِ شکست 76 رنز بناڈالے۔ رضوان کی فتح گر پرفارمنس کی بدولت ہی سسکس کی ٹیم نے ڈربی شائر کو 5 وکٹوں سے ہرادیا۔حریف ٹیم میں شامل شان مسعود بھی خالی ہاتھ نہ لوٹے، انہوں نے دونوں اننگز میں بالترتیب 45 اور 37 رنز کی اننگز کھیلی۔گلوسٹرشائر کی طرف سے ظفر گوہر نے لنکاشائر کیخلاف 62 رنز بنائے جبکہ ایک وکٹ بھی حاصل کی۔