فیروزوالہ میں دشمنی پر وکیل قتل، 4 ساتھی زخمی‘ حالت نازک

فیروزوالہ (نامہ نگار) تھانہ فیروز والا کے علاقہ چک نمبر 43 میں پرانی دشمنی کی بنا پر عرفان علی چٹھہ نے دیگر ساتھیوں کی مدد سے مسلح ہو کر مخالف گروپ کے سلیمان ایڈووکیٹ پر فائرنگ کر کے قتل 4 افراد زخمی کر دیئے۔ جن کو طبی امداد کیلئے ہسپتال داخل کرا دیا گیا۔ چاروں زخمیوں کی حالت نازک بیان کی جاتی ہے ۔کچھ عرصہ قبل چوہدری سلیمان دیو ایڈووکیٹ کے والد ذکاء اللہ کو حامد اور فیصل وغیرہ نے قتل کر دیا۔ بعد میں ملزم گاؤں چھوڑ کر چلے گئے لیکن ملزموں کے عرفان علی کے ساتھ تعلقات تھے۔ سلیمان ایڈووکیٹ نے عرفان کو متعدد بار منع کیا کہ ان کے ساتھ تعلقات چھوڑ دو مگر عرفان نے دوستی ختم نہ کی وقوعہ کے وقت خاور حسین اپنے تایا زاد بھائی سلیمان دیو ایڈووکیٹ اور دیگر ساتھیوں احسان، عارف ، عاقب اور سرفراز احمد کہ ہمراہ کھیتوں کی طرف جا رہے تھے جب وہ راستے میں پہنچے تو مخالفین گھات لگا کر بیٹھے ہوئے تھے۔ عرفان علی، حامد، فیصل، زمان وغیرہ نے اندھا دھند فائرنگ کر دی جبکہ زخمی کو اٹھانے کیلئے احسان، عارف، عاقب اور سرفراز آگے بڑھے تو ملزموں نے ان پر بھی فائرنگ کر دی‘ فیروز والا پولیس نے مقتول کے کزن خاور حسین کی رپورٹ پر عرفان علی، حامد، فیصل، زمان وغیرہ کے خلاف مقدمہ درج کر لیا۔ تاہم پولیس ملزم کو گرفتار نہ کر سکی۔