حکومت پنجاب ڈینگی کے خاتمے کے لیے کوشاں، انیل سعید

 اٹک (نامہ نگار ) ایڈیشنل ڈپٹی کمشنرجنرل انیل سعید نے کہا ہے کہ حکومت پنجاب ڈینگی کے خاتمے کے لیے تمام سرگرمیوں کی نگرانی کررہی ہے، ان خیالات کااظہار انہوں نے ڈی سی آفس اٹک میں انسداد ڈینگی مہم کے حوالے سے ایک اجلاس کی صدارت کر تے ہوئے کیا، اجلاس میں محکمہ تعلیم ، صحت سمیت دیگر محکموں کے افسران نے شر کت کی، قائم مقام سی ای و ہیلتھ ڈاکٹرمحمدسعید اورمحکمہ صحت کے افسران نے شر کاء کو انسداد ڈینگی مہم کے حوالے سے تفصیلی بر یفنگ دی، بر یفنگ دیتے ہوئے بتا یا گیا کہ ضلع بھر میں ڈینگی کے خاتمے کے لیے خصوصی اقدامات کیے جارہے ہیں اور اس ضمن میں تمام محکمے اپنا خصوصی کر دار ادا کر رہے ہیں.