گرمائی سیزن شروع ہو تے ہی مری میں پانی کی قلت

مری(نمائندہ خصوصی)گرمائی سیزن شروع ہو تے ہی مری میں پانی کی قلت کامسئلہ سنگین صورتحال اختیارکرگیا ہے شہر بھرکی مساجد سمیت مال روڈ،اندرون شہرلوئر بازار،صدیق چوک،سبزی منڈی،تحصیل روڈ،حاجی گلی،منشی محلہ،قصائی محلہ،لوئرجھیکاگلی روڈ،موچی منڈی،محلہ شوالہ،کارٹ روڈ،موٹرایجنسی سمیت متعدد علاقوں میں گذشتہ چار دنوں سے پانی کی سپلائی بند ہوچکی ہے دیگر اداروں کی طرح میونسپل کارپوریشن مری کا محکمہ پبلک ہیلتھ بھی غیر فعال اور شہریوں اورسیاحوں کو پانی کی فراہمی میں مکمل ناکام ہوچکا ہے۔