اے ایف سی ویمنز فٹ بال ایشین کپ  2025 میں پاکستان ویمنز کی ٹیم کا شمولیت کا اعلان 

اسلام آباد(سپورٹس رپورٹر)پاکستان فٹ بال فیڈریشن نے اے ایف سی ویمنز فٹبال ایشین کپ 2025 میں پاکستان ویمنز فٹبال ٹیم کی شمولیت کا اعلان کر دیا ۔ پہلی بار پاکستان ویمنز فٹبال ٹیم اے ایف سی پریمیئر فٹبال مقابلے میں حصہ لے گی۔ کوالیفائنگ راؤنڈ 2025 کے آغاز میں کھیلاجائیگا، 12 ٹیموں پر مشتمل فائنل را?نڈ، مئی 2025 میں ہوگا۔ اے ایف سی ویمنز فٹسال ایشین کپ 2025 کی تیاری کے لیے، پی ایف ایف نے پانچ فٹسال نیشنل کپ ٹورنامنٹ کا کامیاب انعقاد کیا تھا جس میں مینز اور ویمنز دونوں شامل تھے۔ پاکستان فٹبال فیڈریشن نارملائزیشن کمیٹی کے چیئرمین ہارون ملک کا کہنا ہے کہ مجھے یہ بتاتے ہوئے خوشی ہورہی ہے کہ پہلی بار پاکستان ویمنز فٹسال ٹیم ویمنز فٹبال ایشین کپ 2025 میں شرکت کرے گی۔ انہوں نے مزید کہا کہ پاکستان میں ویمنز فٹبال کو فروغ دینا اور اپنے کھلاڑیوں کو بین الاقوامی سطح کے مقابلوں کے مواقع فراہم کرنا بہت ضروری ہے۔