لاہور (خصوصی رپورٹر) بزنس کمیونٹی کے عشایئے میں میاں شہباز شریف سے پوچھا گیا کہ عمران خان نے کہا ہے کہ وہ میانوالی کے حلقہ میں شہباز شریف کے منتظر ہیں کہ ان کے مقابلے پر اتریں۔ اس پر شہباز شریف مسکرا دیئے اور کوئی جواب نہیں دیا تاہم ان کے ہمراہ موجود مسلم لیگ (ن) کے رہنما رانا مشہود احمد خان نے کہا کہ ابھی خان صاحب بڑے نہیں ہوئے، پہلے وہ شہباز شریف کے پٹھے سے مقابلہ کر لیں تو بڑی بات ہو گی۔ اس پر تمام حاضرین کھلکھلا کر ہنس پڑے۔