شاداب انسٹیٹیوٹ سپیشل ایجوکیشن میں رنگارنگ فیملی میلے کا انتظام

لاہور (پ ر) شاداب ٹریننگ انسٹیٹیوٹ سپیشل ایجوکیشن میں گزشتہ روز رنگا رنگ فیملی میلہ کا انتظام کیا گیا جس میں سکول ہذا کے سپیشل بچوں نے اپنے اساتذہ، والدین اور رشتے داروں کے ہمراہ شرکت کی۔ پروگرام کے مہمان خصوصی وزیر خصوصی تعلیم آصف سعید منہاس تھے جبکہ رکن قومی اسمبلی پرویز ملک نے تقریب میں خصوصی شرکت کی۔ ڈسٹرکٹ ایجوکیشن آفیسر شہزادہ ہارون بھٹہ، کاشف محمود بھی اس موقع پر موجود تھے۔ اس خوبصورت میلہ کو سجانے کا سہرا میڈم لبنیٰ تسنیم اور ادارہ ہذا کے سٹاف کو جاتا ہے۔ فریدہ سلہری اس پروگرام کی روح رواں تھیں۔