گکھڑ منڈی +وزیرآباد (نا مہ نگاران) ٹرک کی ٹکر سے موٹر سائیکل سوار میاں بیوی موقع پر جاں بحق ہو گئے۔ کنگنی والا کے رہا ئشی ملک سا جد امین گذشتہ صبح ساڑھے آٹھ بجے اپنی اہلیہ زرقا پروین کے ہمراہ موٹر سائیکل پر وزیرآباد آ رہے تھے، جو نہی وہ بوائزڈگری کالج گکھڑ کے مقابل جی ٹی روڈ پر پہنچے تو سڑک کے کنارے کے کٹ سے انکا موٹر سائیکل سلپ ہو کر ایک لوڈر ٹرک کے نیچے گھس گیا جس سے دونوں میاںبیوی ٹرک کے ٹائروں تلے کچلے گئے جو شدید دماغی چوٹوں اور زخموں کی تاب نہ لاتے ہو ئے موقع پر ہی دم توڑ گئے۔ گکھڑ پولیس نے ٹرک ڈرائیور صوابی کے رہائشی تاج ولی مغل کو گرفتار کر کے کارروائی شروع کر دی جبکہ ورثا نے ڈرائیور کو معاف کر دیا۔
وزیر آباد حادثہ