گزشتہ روز یمن سے پی آئی اے کی خصوصی پرواز 503 پاکستانیوں کو لے کر کراچی ایئرپورٹ پہنچی۔ جہاں 110 مسافروں کو اتارنے کے بعد دیگر 393 مسافروں کو پی آئی اے کی دوسری خصوصی پرواز ’’پی کے 7002‘‘ کے ذریعے اسلام آباد کے لیے روانہ کیا گیا۔ جو رات تقریبا ساڑھے تین بجے بے نظیر انٹرنیشنل ایئرپورٹ پہنچی، ایئرپورٹ پر مسافروں کے استقبال کے لیے وفاقی وزیر اطلاعات پرویز رشید اور مشیر ہوا بازی شجاعت عظیم موجود تھے۔ جنہوں نے مسافروں کا پرتپاک استقبال کرتے ہوئے انہیں ہار بھی پہنائے۔ مسافروں نے اس موقع پر حکومت کا شکریہ ادا کیا اور وزیر اعظم نواز شریف کے حق میں نعرے لگائے۔ انہوں نے وطن واپسی پر میڈیا کے کردار کو بھی سراہا۔ مسافروں کا کہنا تھا کہ انہوں نے سوچا بھی نہیں تھا کہ ان کا وطن پہنچنے پر اتنا شاندار استقبال کیا جائے گا۔ وطن پہنچنے والے مسافروں کا کہنا تھا کہ پاکستان واپسی کے سفر پر یمن میں پاکستانی سفیر نے ان کی بہت مدد کی