جھنگ، نارنگ منڈی، کامونکے (نامہ نگاران) جھنگ میں اوباش افراد نے خاتون سے اجتماعی زیادتی کر ڈالی جبکہ نارنگ منڈی اور کامونکے میں لڑکوں سے زیادتی کے واقعات پیش آئے ہیں۔ جھنگ کے موضع ملہوآنہ موڑ کی رہائشی خاتون نے بذریعہ درخواست تھانہ صدر پولیس کو بتایا کہ کچھ عرصہ قبل آٹھ افراد فخر عباس وغیرہ نے مبینہ طور پر اسے حبس بے جا میں رکھا فخر عباس ،ریاض اور چار نامعلوم نے زبر دستی اس کے ساتھ زیادتی کی عدالت ایڈیشنل سیشن جج کے حکم پر تھانہ صدر پولیس نے فخر عباس وغیرہ آٹھ ملزمان کے خلاف مقدمہ درج کر لیا ہے ۔تھانہ نارنگ منڈی کے گائوں ماڑی خوردمیں تین اوباش نوجوانوںنے اپنے ہی گائوں کے غریب محنت کش خاندان کے دس سالہ لڑکے اسامہ خلیل سے زیادتی کرڈالی بتایا جاتا ہے کہ ملزمان حسنین امتیاز اور رمضان رحمانی اسے پہلا پھسلا کر کھیتوںسے ایک مکان میں لے گئے جہاں اسے اجتماعی زیادتی کا نشانہ بنانے کے بعد فرار ہوگئے۔ متاثرہ خاندان نے ڈی پی او شیخوپورہ سے ملزمان کو کیفرکردار تک پہنچانے کامطالبہ کیا ہے۔دوسری جانب کامونکی میں تین اوباش نوجوانوں نے بارہ سالہ بچے کو زیادتی کا نشانہ بنایا۔ بتایا گیا ہے کہ نواحی گاوں نند پور کے بارہ سالہ زین علی کو گائوں کے احمد رضا،شہروز اور مبشر ورغلاء کر لے گئے اور اْسے زیادتی کا نشانہ بنادیا۔ایمن آباد پولیس نے تینوں ملزمان کو گرفتار کرکے مقدمہ درج کرلیا ہے۔