لاہور(خصوصی نامہ نگار)جماعت اہلحدیث پاکستان کے امیر حافظ عبدالغفارروپڑی نے کہا ہے کہکرونا وائرس کا پھیلنا ہمارے اجتماعی گناہوں اور بے راہروی کا نتیجہ ہے۔ پوری دنیا کو گناہوں کا راستہ چھوڑ کر نیکی کا راستہ اختیار کرنا ہو گا، مسلمانوں پر اس طرح کی بیماریاں پہلے بھی آتی رہی ہیں اسباب کے ساتھ اللہ سے رجوع کی ضروری ہے، حضور ؐنے جو دعائیں بتائیں ہیں آفتوں اور بلاوں سے بچنے کیلئے احتیاطی تدابیر کو اپناتے ہوئے ان دعاؤں کا بھی اہتمام کیا جائے، کرونا وائرس سمیت کسی بھی وبا کو احتیاطی تدابیر اور رجوع الی اللہ کے ذریعے سے ہی شکست دی جاسکتی ہے۔