وہاڑی (نامہ نگار) وہاڑی سے مختلف شہروں کوجانے والی ٹرانسپورٹس، ہائی ایس، ویگنوں وغیرہ میں ڈسٹرکٹ روڈ ٹرانسپورٹ اتھارٹی کی عدم دلچسپی کے باعث ٹرانسپورٹروں کی اجارہ داری قائم ہو چکی ہے مسافر ہائی ایسز، ویگنوں سمیت بسوں میں ناقص سستے اور غیر معیاری ایل پی جی اور سی این جی گیس سلنڈر لگا دیئے گئے ہیں جو کسی بھی بڑے سانحے کا سبب بن سکتے ہیں۔ شہریوں محمد شریف، عبدالمجید،نزیر احمد، خالد حسین، محمود احمد، فضل احمد، اکرام علی ودیگر نے حکام سے نوٹس لینے کا مطالبہ کیا ہے۔