موٹر سائیکل اسپیئرپارٹس پرڈیوٹی کم ‘اضافی ڈیوٹی ختم کی جائے، خالد وحید

کراچی(کامرس رپورٹر) چیئرمین آل پاکستان امپورٹرز اینڈ ڈیلرز ایسوسی ایشن خالد وحید نے فیڈرل بورڈ آف ریونیو( ایف بی آر) سے اپیل کی کہ وہ کسٹم ڈیوٹی کو کم کریں اور موٹرسائیکل کے اسپیئر پارٹس کی تجارتی درآمد پر اضافی کسٹم ڈیوٹی کو کم کرنے پر اپنی طرف متوجہ کریں۔ خالد وحید نے کہا کہ موٹرسائیکل اسپیئر پارٹس کی کمرشل درآمدپر کسٹم ڈیوٹی 35 فیصد ، اضافی کسٹم ڈیوٹی 11فیصد، سیلز ٹیکس 17فیصد، انکم ٹیکس 5.5فیصد اور جی ایس ٹی ٹیکس کا  مجموعی اثر درآمدی مرحلے پر 93 فیصد ہوجاتا ہے جس سے اسپیئر پارٹس عام موٹرسائیکل سواروں کے خریدنے کیلئے مشکل ترین کے ذریعہ بنتا جارہا ہے،درآمدی مرحلے پر ڈیوٹی اور ٹیکس کی زبردست شرح اور ملک بھر میں اسمگل شدہ اسپیئر پارٹس کے بڑھتے ہوئے حجم کی وجہ سے یہ تجارت تباہی کے دہانے پر ہے۔انکا کہنا تھا کہ ملک میں خصوصا ً کراچی میں ٹرانسپورٹ کے مناسب نظام کی عدم موجودگی میں جہاں غریب افراد روزانہ اپنی نوکریوں پر جانے کے لئے موٹرسائیکلوں کے ذریعہ 50فیصد سفر کرتے ہیں ،یہاں رجسٹرڈ موٹر سائیکل 15 ملین ہیں یعنی 15 ملین غریب افراد اس پر 93فیصد ٹیکس دے رہے ہیں موٹرسائیکلوں کو ماہانہ قسط پر خریدنے کے بعد ان کی موٹرسائیکل کی دیکھ بھال پر ایف بی آر نے 93 فیصد ٹیکس کی وصولی کا بوجھ ڈالا حالانکہ موٹر سائیکل لگژری آئٹم نہیں ہے۔