اسلام آباد (نوائے وقت رپورٹ) صدر مملکت عارف علوی کا کرونا ٹیسٹ مثبت آ گیا۔ صدر عارف علوی نے ٹویٹ میں دعا کی ہے کہ اللہ تعالیٰ 
کرونا کے تمام متاثرین پر رحم فرمائے۔ میرا کرونا ٹیسٹ مثبت آیا ہے۔ کرونا ویکسین کی پہلی ڈوز لگوائی تھی۔ اینٹی بانڈیز دوسری ڈوز کے بعد بننا شروع ہوتے ہیں۔  اللہ تعالیٰ سب کرونا مریضوں کو شفا دے۔ علاوہ ازیں وزیر دفاع پرویز خٹک بھی کرونا میں مبتلا ہو گئے، گورنر سندھ عمتان اسماعیل نے اپنے ایک ٹویٹ میں پرویز خٹک میں کرونا کی تشخیص  ہونے کی تصدیق کی ہے ۔ اور انکی صحتیابی کے لئے دعا کی ہے۔  وزیر اعلی عثمان بزدار نے نیک خواہشات کا اظہارکرتے ہوئے کہا کہ صدر علوی اور پرویز خٹک کی جلد صحتیابی کے لئے دعاگو ہوں ۔ صدر عارف علوی نے اپنے ٹویٹ میں قرآن کریم کی آیت کا حوالہ بھی دیا جس کا ترجمہ یہ ہے ’’جب میں بیمار ہوتا ہوں تو وہی شفاء دیتا ہے‘‘۔