کیمبرج نے 2022 ء کیلئے ڈیٹ شیٹ کا اعلان کر دیا‘ مسلمان طلباء عید کی چھٹیاں بھی نہیں کر سکیں گے 

ملتان (خصوصی رپورٹر) کیمرج ایسیسیمنٹ  انٹرنیشنل ایجوکیشن (سی اے آئی ای) نے امسال 2022 کیلئے ڈیٹ شیٹ کا اعلان کردیا جبکہ عید الفطر ممکنہ طور پر 2 یا تین مئی کو ہوگی اورپاکستان سمیت تمام مسلمان طلبا او اور اے لیول کے امتحان کے باعث عید کی چھٹیاں بھی نہیں کرسکیں گے۔ جس کے مطابق آئی جی سی ایس ای ، او لیول ، اے ایس لیول اور اے لیول امتحانات کے تھیورٹیکل پارٹ کا آغاز 25 اپریل سے ہوگا جبکہ آخری تھیورٹیکل امتحان 10 جون کو ہوگا جبکہ اے ایس لیول کے پریکٹیکل امتحان پانچ مئی کو جبکہ آئی جی سی ایس ای اور او لیول کے پریکٹیکل امتحان 10 مئی کو اور اے لیول کے پریکٹیکل امتحان 24 مئی کو ہوں گے۔ اے اور او لیول کے امتحان ماہ رمضان اور شدید گرمی  میں آرہے ہیں  جبکہ عید الفطر ممکنہ طور پر 2 یا تین مئی کو ہوگی اورپاکستان سمیت تمام مسلمان طلبا او اور اے لیول کے امتحان کے باعث عید کی چھٹیاں بھی نہیں کرسکیں گے۔