سعودی شہر الجوف میں سینکڑوں  برس قدیم مکانات دریافت

جدہ (اے پی پی) سعودی عرب کے شہر الجوف کے شمالی علاقے (البویتات) سے  کھنڈر دریافت ہوئے ہیں۔ سعودی عرب کے شہر الجوف میں دریافت ہونے والے قدیم کھنڈرات کے مکانات پانچ لاکھ مربع میٹر کے رقبے میں بکھرے ہوئے ہیں۔بعض مکانات کے درمیان پانچ سے دس اور کئی میں ساٹھ میٹر تک کا فاصلہ ہے۔ البویتات کے مکانات کی تعداد تیس  بتائی گئی ہے۔ ان میں سے بیشتر زمین بوس ہو چکے ہیں۔ ان میں 15 مکان ایسے ہیں جن کی باقیات ہیں، البتہ وہ بھی مکمل اور اچھی حالت میں نہیں ہیں۔