ملتان (خصوصی رپورٹر) گورنمنٹ فاطمہ جناح گرلز ایسوسی ایٹ کالج کی دو پر وفیسرز صابرہ سلطانہ ،آصفہ سلیم کے پی ایچ ڈی کرنے پرانکے اعزاز میں تقریب پذیرائی منعقد ہوئی ،جس کے مہمان خصوصی ڈی پی آئی کالجز سائوتھ ڈاکٹر فرید شریف فاروقی ،مہمانان اعزاز اسسٹنٹ ڈائریکٹر عظیم قریشی ،ڈاکٹر جی آر پاشا ،ڈاکٹر محمد مطاہر اقبال ، ڈاکٹر محمد اکرم تھے، مقررین نے شرکاء سے خطاب کرتے ہوئے کہاکہ محنتی اور قابل اساتذہ کسی بھی ادارے کا سرمایہ ہوتے ہیں ،طلبہ کی ذہنی آبیاری ،اخلاقی تربیت میں اساتذہ کاکردار کلیدی ہوتا ہے، پروفیسرز صابرہ سلطانہ ،آصفہ سلیم آئندہ مزید اچھے طریقے سے اپنے علوم کو طالبات کو منتقل کریں گی ، تقریب کے آخرمیں ڈاکٹر فرید شریف فاروقی ،ڈاکٹر جی آر پاشا نے پروفیسر ڈاکٹر صابرہ سلطانہ ، پروفیسر ڈاکٹر آصفہ سلیم کو تعریفی اسناد ،شیلڈ ز سے بھی نوازا ۔