شاہجمال(نامہ نگار)میراں پوراور دانی فیڈر کی بجلی کی کئی کئی گھنٹے کی بجلی بندش جاری ۔شہریوں کا احتجاج۔ واپڈا سب ڈویژن شاہجمال کے نواحی دانی اور ماہڑہ فیڈر کی بجلی صبح 9 بجے تا ڈیڑھ بجے دن بند رہتی ہے پھر تین بجے سہ پہر تا آٹھ بجے شام تک رات دس بجے تا 12بجے تک پھر بند کر دی جاتی ہے‘ جس پر شہریوں عبید احمد بھٹی،میاں سعید احمد بھٹی، میاں عبدالجبار ،میاں صغیر احمد ، سید اقبال شاہ، سید احمد علی شاہ، خالد جوئیہ و دیگر نے شدید احتجاج کرتے ہوئے کہا کہ شدید گرمی اوپر سے واپڈا سب ڈویژن شاہجمال کی طرف سے غیر اعلانیہ ظالمانہ بجلی بندش کے باعث ان کی زندگی عذاب بن چکی ہے۔ انہوں نے اعلیٰ حکام سے نوٹس لینے کا مطالبہ کیا ہے۔