گوجرانوالہ(نمائندہ خصوصی)پی ایچ اے کے زیر اہتمام رنگا رنگ دو روزہ جشن بہاراں پروگرامز کا باقاعدہ آغاز 30مارچ کو کیا جا رہا ہے۔ اس حوالے سے مختلف قسم کی تقریبات کی تیاریاں مکمل ہیں۔تقریبات کا آغاز گلشن اقبال پارک میں شام7 بجے منعقدہ شاندار آتش بازی کے مظاہرہ سے کیا جائے گا۔جشن بہاراں پروگرامز میں پھولوں کی نمائش،قوالی صوفیانہ کلام مشاعرہ،پتلی تماشہ،کلچرل ٹیبلو،پہلوانی دنگل،بھنگڑا،جھومرپارٹی،ثقافتی میلہ و دیگر پروگرامز کا مظاہرہ کیا جائے گا۔آخری روز رنگارنگ تقریب کے دوران پوزیشن حاصل کرنیوالوں اور شرکاء میں انعامات و سرٹیفکیٹس بھی تقسیم کیے جائیں گے۔اِن خیالات کا اظہارچیئرمین پی ایچ اے ایس اے حمید ایڈووکیٹ اور ڈائریکٹر جنرل سجادا حمد ثاقب نے گلشن اقبال پارک میں جشن بہاراں پروگرامز کے حوالے سے منعقدہ میٹنگ کے دوران کیا۔اُنہوں نے کہا کہ پی ایچ اے شہریوں کو صحت مندانہ تفریحی سرگرمیوں کی فراہمی کیلئے دن رات کوشاں ہے۔