کوٹ ادو(خبرنگار) پرانی دشمنی کا شاخسانہ، مخالف نے محنت کش پر خونخوار کتا چھوڑ دیا،کتے نے محنت کش کا بازو پنڈلی سے گوشت نکال لیا،مقدمہ درج تفصیل کے مطابق کوٹ ادو کے نواحی قصبہ دائرہ دین پناہ میں انسانیت سوز واقعہ پیش آیا۔پرانی دشمنی پر مخالف نے محنت کش پر اپنا پالتو کتا چھوڑ دیا۔موضع  ٹبہ مستقل کے رہائشی محمد شریف بھٹہ جس کی سید برادری کے ندیم شاہ سے دشمنی چلی آرہی تھی گزشتہ روز محنت کش محمد شریف بھٹہ مزدوری کے سلسلہ میں گھر سے شہر جا رہا تھا کہ راستہ میں ندیم شاہ نے اس پر اپنا پالتو خونخوار کتا چھوڑ دیا  جس نے  شریف بھٹہ کے بازو اورپنڈلی سے  کو بری طرح نوچ ڈالا جبکہ ندیم شاہ ساتھ کھڑاہنستا اور تماشہ دیکھتا رہا۔شریف بھٹہ کی حالت غیر ہونے پر اسے تشویشناک حالت  میں ہسپتال داخل کرا دیا گیا۔پولیس دائرہ دین پناہ نے مقدمہ درج کرکے کتا مالک کی تلاش شروع کر دی۔