لاہور(نیوز رپورٹر) پاکستان مرکزی مسلم لیگ لاہور کی جانب سے ماڈل ٹاؤن میں چوتھی گرینڈ سحری کا انعقاد کیا گیا۔ جس میں ماڈل ٹاؤن، فیصل ٹاؤن، ٹاؤن شپ، اقبال ٹاؤن، جوہر ٹاؤن، واپڈا ٹاؤن سمیت ہزاروں لوگوں کے گھروں میں سحری پہنچائی گئی۔مرکزی مسلم لیگ کی گرینڈ سحری میں ایک لاکھ افراد کیلئے انتظام کیا گیا۔ جبکہ ماڈل ٹاؤن سی بلاک میں میں 2 ہزار مرد وخواتین کیلئے باقاعدہ پنڈال سجایا گیا تھا۔ جبکہ ایک کلو میٹر لمبا دسترخوان بھی سجایا گیا تھا جہاں شہریوں نے اپنی فیملی کے ہمراہ سحری کی۔ سحری میں بیف قورمہ، چکن قورمہ، حلوہ پوری، روغنی نان سادہ روٹی اور چائے کا انتظام کیا گیا تھا۔