لاہور (نامہ نگار) ڈاکوؤں اور چوروں نے مختلف وارداتوں کے دوران متعدد شہریوں سے لاکھوں روپے مالیت کی نقدی، طلائی زیورات، موبائل فون، موٹر سائیکلیں،گاڑیاں اور دیگر سامان لوٹ لیا۔ تفصیلات کے مطابق ڈاکوؤں نے ڈیفنس کے علاقے میں ریحان کے گھر میں گھس کر اہلخانہ کو  یرغمال بنا کر 6لاکھ روپے مالیت کی نقدی، طلائی زیورات، موبائل فون اور دیگر سامان، ماڈل ٹاؤن کے علا قے میں صغیر کی فیملی کو یر غمال بنا کر3 لاکھ 35ہزار روپے مالیت کی نقدی، طلا ئی زیورات اور موبائل فون، کاہنہ کے علاقے میں قادر سے ڈیڑھ لاکھ روپے اور موبائل فون،شادمان کے علاقے میں نور سے 80 ہزار روپے اور موبائل فون،گلبرگ کے علاقے میں مفخر سے 16ہزار روپے اور موبائل فون، نصیر آباد کے علاقے میں رفیق  سے10 ہزار روپے اور موبائل فون، سمن آباد کے علاقے میں تنویر سے 9 ہزار روپے اور موبائل فون، قائد اعظم انڈسٹریل اسٹیٹ کے علاقے میں علیم سے6 ہزار روپے اور موبائل فون لوٹ لیا۔  چوروں نے اسلام پورہ کے علاقے میں منظور کے گھر سے 4 لاکھ روپے مالیت کی نقدی، طلائی زیورات اور دیگر سامان چوری کرلیا اور فرار ہو گئے۔ چوروں نے مصطفی ٹاؤن، ہنجروال، لیاقت آباد اور رائیونڈ، کے علاقوں میں سے 4 کاریں،لٹن رروڈ کے علاقے میں سے رکشہ جبکہ مزنگ جوہرٹاؤن، لوئر مال، ساندہ، مسلم ٹاؤن، قلعہ گجر سنگھ، غالب مارکیٹ اور کوٹ لکھپت اور شاہدرہ کے علاقوں میں سے 9موٹر سائیکلیں چوری کر لی گئیں۔