قلعہ دیدار سنگھ(نمائندہ خصوصی) آوارہ باؤلے کتوں نے ایک ہی دن میں تین بچوں سمیت 4 افراد کو نوچ لیا۔ہسپتال منتقل وہاں ویکسین نہ ملنے سے شہری سراپا احتجاج،والدین میں خوف وہراس پھیل گیا۔شہر میں ایک ہی دن تین بچوں سے 4 افراد کو آوارہ باؤلے کتوں نے نوچ لیا جب متاثرین زخمیوں کو رورل ہیلتھ سنٹر پہنچے تو وہاں کتے کاٹنے کی ویکسین نہ ہونے سے انہیں شدید پریشانی کا سامنا رہا ۔شہریوںنے کہا ہے حکومت باؤلے کتوں کو تلف کرنے کے اقدامات نہیں کرتی اور ویکسین بھی نایاب ہیں۔زخمیوں میں 7 سالہ ایمان فاطمہ؛ 8 سالہ حسیب علی،7 سالہ زینب اور 36 سالہ محمد لقمان شامل ہیں،محمد لقمان کو کتے کاٹنے کی سی سی ٹی وی ویڈیومیڈیا نے حاصل کرلی ہے۔شہریوں نے ڈپٹی کمشنر گوجرانولہ سے اپیل کی ہے کہ باؤلے کتوں کو تلف کرنے کے احکامات جاری کئے جائیں اور رورل ہیلتھ سنٹر میں ویکسین بھی فراہم کی جائیں۔