کلرسیداں (نامہ نگار) پچاس سالہ مزدور روڈ کر اس کرتے ہوئے تیز رفتار گاڑی کی زد میں آ کر جاں بحق ہو گیا جسے گزشتہ روز کلر سیداں کے علاقے رجام میں سپرد خاک کر دیا گیا ہے۔کوثر نامی شخص جو کلر سیدا ں روات روڈ پر کسی سے مالی امداد لینے کیلئے گیا ہوا تھا کہ گھر واپس آنے کیلئے روڈ کراس کرتے ہوئے تیز رفتار گاڑی کی زد میں آ کر شدید زخمی ہو گیا جسے ٹی ا یچ کیو ہسپتال کلر سیداں میں ابتدائی طبی امداد فراہم کر نے کے بعد راولپنڈی شفٹ کیا گیا تھا جہاں وہ جا نبر نہ ہو سکا۔ وہ ہوٹل پر محنت مزدوری کر کے بچوں کا پیٹ پال رہا تھا لیکن رمضان المبارک میں ہوٹل بند ہونے کی وجہ سے وہ ان دنوں بے روزگار تھا۔
کلرسیداں،رشتوں کے  تنازع پر خاتون پر تشدد کا مقدمہ درج 
کلرسیداں (نامہ نگار) مسماہ رخسانہ بی بی نے مقدمہ درج کروایا کہ میں اپنے بیٹے محمد ایاز کیساتھ ہسپتال جا رہی تھی کہ راستے میں قمر اور احسن نے مجھے مرید چوک روک پر مارنا پیٹنا شروع کر دیا اور مجھے زمین پر گھسیٹا جس سے میری قمیض پھٹ گئی اور مجھے کانوں سے پکڑا کر مارا جس سے میری کان کی بالی بھی گم گئی اور میرے بیٹے کا موبائل چھین کر اسے ز مین پردے مارا جس سے موبائل فون بھی ٹوٹ گیا ہے ۔وجہ عناد رشتوں کا تنازع بیان کیا جاتا ہے۔