ایپوہ میں کھیلےگئےمیچ میں پاکستان نے آغاز میں ملائیشیا کےخلاف جارحانہ کھیل پیش کیا اورچوتھے ہی منٹ میں گیند کومیزبان کے گول پول کے پار کردیا۔ اس برتری کو بارہویں منٹ میں شفقت رسول نے دو صفرکردیا۔ جس کےبعد ملائیشیا کی ٹیم نےشاندارکم بیک کیا اورپہلے ہاف کے اختتامی لمحات میں گول اسکور کرکے مخالف ٹیم کی برتری کے امکانات کوکم کردیا۔ دوسرے ہاف میں بھی میزبان ٹیم نے حملے جاری رکھے اوردو گول کرکے میچ دو کے مقابلے میں تین گول سے جیت لیا۔ ایونٹ میں پاکستان کی مسلسل تیسری شکست کے باعث قومی ٹیم فائنل کی دوڑ سے باہرہوگئی ہے۔ دیگر میچز میں برطانیہ نے نیوزی لینڈ کو دو ایک سے شکست دے کر اپ سیٹ کیا جبکہ ارجنٹینا نے بھارت کو دو کے مقابلے میں تین گول سے ہرایا۔ قومی ٹیم کل روایتی حریف بھارت کے خلاف قسمت آزمائے گی۔