سادھوکے+ شاہ کوٹ+ شاہ پورصدر+ گوجرہ (نامہ نگاران) سادھوکے، شاہ کوٹ، شاہ پور صدر اور گوجرہ میں 5 سالہ بچی، چھٹی کی طالبہ، 8 سالہ بچے، دوشیزہ ،خاتون اور لڑکے کو زیادتی کا نشانہ بنا دیا گیا۔ سادھوکے میں سابق یونین ناظم کے بھانجے نے مہمان آئی دوشیزہ کو زیادتی کا نشانہ بنا ڈالا۔ نواحی گائوں تمبولی میں محنت کش شوکت علی کے ہاں اسکی برادر نسبتی کی بیٹی رفیہ بی بی سکنہ آدھورائے آئی ہوئی تھی گذشتہ روز جبکہ شوکت علی محنت مزدوری کرنے گیا ہوا تھا اور اسکی اہلیہ ڈاکٹر سے دوائی لینے چلی گئی تو سولہ سالہ رفیہ بی بی کو گھر میں اکیلے پا کر علی حسن کے اوباش بھانجے انیس ولد منیر نے زبردستی رفیہ کو بے آبرو کر دیا۔ پولیس نے مقدمہ درج کر لیا۔ شاہ کوٹ میں نواحی گائوں چک نمبر 116 اڈا پنواں میں ایک اوباش نوجوان امجد نے 14 سالہ لڑکے مزمل کو مبینہ طور پر زیادتی کا نشانہ بنا ڈالا۔ اہل دیہہ نے وقوعہ کا علم ہونے پر ملزم کی دھلائی کر کے تھانہ صدر پولیس شاہ کوٹ کے حوالے کر دیا۔ شاہ پور شہر کے وارڈ نمبر 5 کی یتیم بچی ندا فاطمہ عمر ساڑھے پانچ سال کے ساتھ اوباش شخص محمد یوسف نے ہوس کا نشانہ بنایا۔ بچی کی چیخ وپکار پر لوگوں نے ملزم کو پکڑ لیا جس پر ندا فاطمہ کے دادا محمد افضل نے تھانہ شاہ پور شہر میں مقدمہ درج کرا دیا۔ پولیس نے ملزم کو اپنی حراست میں لے لیا۔ پسرور میں اوباش نوجوان کی کمسن طالبہ سے زیادتی، نواحی گائوں نوکریاں مغلاں میں چھٹی جماعت کی طالبہ (ک) سبزی راستے میں ملزمان ذیشان اور کاشف اسے حویلی میں لے گئے جہاں ملزم ذیشان نے لڑکی سے زیادتی کر ڈالی۔ پولیس نے ملزم ذیشان کو گرفتار کر لیا ہے۔ چیچہ وطنی میں نواحی گائوں 46/12-L شفیق کی نوجوان بھتیجی صبا رشید سے دو بھائیوں شہباز، وقاص نے زیادتی کی۔ گوجرہ میں دو اوباش نوجوانوں نے آٹھ سالہ بچے کو زیادتی کا نشانہ بنا ڈالا۔ چک 333 ج ب کے محمد یعقوب کے آٹھ بیٹے احمد کو سکول سے کھیلتے ہوئے گاوں مذکور محمد وسیم اور احتشام نے زیادتی کا نشانہ بنایا۔ شاہ کوٹ میں سعودی عرب ملازمت دلانے کا جھانسہ دے کر قدیر گلفام اور ملک نصیر وغیرہ گیارہ افراد نواحی گائوں سوڈی والا کی ایک لڑکی رضیہ صدیق کو کار میں اغوا کر کے فیصل آباد لے گئے جہاں ملزمان مبینہ طور پر اجتماعی زیادتی کا نشانہ بنانے کے بعد بنوں کے علاقہ میں بدقماش لوگوں کے ہاتھوں بھاری رقم کے عوض فروخت کر کے فرار ہو گئے۔ فروختگی کے بعد مغویہ مسلسل ڈیڑھ سال تک زیادتی کا شکار ہوتی رہی۔گذشتہ روز لڑکی ملزمان کے چنگل سے فرار ہو کر اپنے گھر واپس پہنچ گئی۔ پولیس تھانہ صدر شاہ کوٹ نے مغویہ لڑکی رضیہ صدیق کی رپورٹ پر قدیر گلفام اور ملک نصیر شہزاد سمیت گیارہ افراد کے خلاف مقدمہ درج کر لیا گیا ہے۔