وارداتیں‘ 30لاکھ سے زائد کا مال لوٹ لیا‘ 3گاڑیاں‘ 11موٹر سائیکل چوری

لاہور+ فیروزوالا (نامہ نگاران) لاہور کے مختلف علاقوں میں وارداتوں میں 30لاکھ سے زائد کا سامان لوٹ لیا۔ ڈاکوؤں نیشاہدرہ کے علاقہ میں زاہد کے گھر گھس کر اہلخانہ کو گن پوائنٹ پر یرغمال بنا کر8 لاکھ روپے مالیت، ساندہ میں علی احمدکے گھر سے5 لاکھ روپے، قائداعظم انڈسٹریل اسٹیٹ میں نعمان کے گھر سے 4لاکھ روپے کی نقدی، طلائی زیورات، موبائل فون اور دیگر سامان، اقبال ٹائون میں عمر اور اس کی فیملی سے5 لاکھ روپے، فیصل ٹائون میں شفا کی فیملی سے3 لاکھ روپے، مزنگ میں ارشد سے 90ہزار روپے اور موبائل، بادامی باغ میں مراد سے 38 ہزار روپے اور موبائل، مصری شاہ میںنوازسے 27 ہزار اور موبائل فون لوٹ لیا۔ چوروں نے ڈیفنس میں فاروق کی دکان سے 4لاکھ روپے کی نقدی و سامان چوری کر لیا ہے۔ چوروں نے ستوکتلہ میں سے ماجدہ، ڈیفنس بی میںسے خلیل، شمالی چھائونی میں سے منصور کی گاڑیاں جبکہ نولکھا میں سے عدیل، شادباغ میںانصار، لاری اڈہ میں محمود، ساندہ میں رشید ، سبزہ زار میں وقار، غالب مارکیٹ میںصغیر، نشترکالونی میں ظہور، فیصل ٹائون میں یاسر، ٹائون شپ میں عمر، گلشن راوی میں جاوید، فیکٹری ایریا میںسے واجد کی مو ٹرسائیکلیں چوری کر لی ہیں۔ علاوہ ازیں فیروزوالا سے نامہ نگار کے مطابق کوٹ عبدالمالک (آصف آباد کالونی) میں پانچ ڈاکوئوں نے اقبال کے گھر میں گھس کر اہل خانہ کو یرغمال بناکر لاکھوں روپے کے زیورات اور تقریباً ایک لاکھ روپے نقد‘ دو موبائل لوٹ کر لے گئے۔ شرقپور روڈ کی آبادی میں ڈاکوئوں نے آصف گھر میں داخل ہوکر تقریباً دس لاکھ روپے کے زیورات اور ہزاروں کی نقدی دیگر سامان لوٹ کر فرار ہو گئے۔ ڈاکوئوں نے کوٹ عبدالمالک کے قریب افضل سے نقدی اور چار موبائل چھین لئے۔ چوروں نے کوثر عزیز اور یوسف کی موٹر سائیکلیں اور امیر مسیح کی ویگن چوری کرلی۔ چوروں نے خالد ٹائون تنویر حسین کے گھر میں داخل ہوکر ہزاروں روپے مالیت کا قیمتی سامان چوری کر لیا ہے۔
وارداتیں