شیخوپورہ+ فیروزوالا+ فیصل آباد+ پاکپتن (نامہ نگار خصوصی+ نامہ نگاران+ نمائندہ خصوصی) شیخوپورہ‘ فیصل آباد‘ پاکپتن میں 4 لڑکیوں سمیت 6 خواتین سے زیادتی کی گئی۔ تفصیلات کے مطابق شیخوپورہ میں مومن شاہ سے (س) کے شوہر نے تین لاکھ روپے ادھار کی رقم لینی تھی اور مطالبہ کرنے پر گزشتہ روز اپنے ساتھیوں سعید اور آصف کے ہمراہ اس کے گھر داخل ہوکر گن پوائنٹ پر اپنے دوست سعید سے (س) کی عصمت دری کروا دی۔ تھانہ فیکٹری ایریا کے علاقہ گلفشاں ٹائون میں گھر سے کسی کام کی غرض سے نکلنے والی لڑکی (م) کو ایک شخص نے یرغمال بناکر زبردستی زیادتی کا نشانہ بنا ڈالا۔ زیادتی کرنیوالے شخص کو تشدد کے بعد پولیس کے حوالے کر دیا۔ فیروزوالا سے نامہ نگار کے مطابق سعید اور اسکے ساتھی نے محنت کش کے گھر میں داخل ہوکر اسکی بیوی (س) کے ساتھ زبردستی زیادتی کر ڈالی۔ علاوہ ازیں پولیس رپورٹس کے مطابق فیصل آباد میں تھانہ منصور آباد کے علاقہ عبداﷲ پور کی طیبہ نورین نے بتایا چند روز قبل محمد اقبال نے زبردستی زیادتی کی‘ تھانہ ستیانہ کے چک نمبر77گ ب میں ایک نوجوان منصور نے ایک خاتون جعفراں بی بی کی 10سالہ بیٹی (ط) کو گھر بلا کر زبردستی زیادتی کا نشانہ بنا دیا۔ چک نمبر231گ ب میں محمد یوسف کی جواں سال بیٹی (ع) کو علی رضا سمیت تین افراد نے کام کے بہانے گھر بلایا اور اس دوران علی رضا نے لڑکی کو بے آبر و کر دیا۔ پاک پتن سے نامہ نگار کے مطابق محلہ فرید نگر کی سونیا بی بی کو ملزم وارث علی نے کہا آپ کو مکان دکھانا ہے اور ساتھ لے گیا جہاں پر ملزمان خالق خاں اور علی اقبال نے خاتون کو زیادتی کا نشانہ بنایا۔
زیادتی