لاہور ( سپورٹس رپورٹر+نمائندہ سپورٹس ) سکاٹ لینڈ کے خلاف ٹی ٹونٹی سیریز کے لئے قومی سلیکشن کمیٹی نے مشاورت شروع کردی ۔ ذرائع کے مطابق ویسٹ انڈیز کے خلاف ٹی ٹونٹی سیریز جیتنے والی ٹیم میں دوسے تین تبدیلیوں کا امکان، ان فٹ بابر اعظم کی جگہ حارث سہیل، عمر امین اور محمد حفیظ کے نام زیر غور ہیں۔ رومان رئیس کی ٹی ٹونٹی سکواڈ میں واپسی کا امکان ہے۔ احمد شہزاد کی جگہ کسی نوجوان اوپنر کو ٹی ٹونٹی سکواڈ میں شامل کرنے پر غور جاری ہے۔ سکاٹ لینڈ کے خلاف ٹی ٹونٹی سکواڈ میں سرفراز احمد ،فخر زمان ،شعیب ملک، آصف علی، حسین طلعت، فہیم اشرف، محمد نواز، شاداب خان، محمد عامر اور حسن علی کی ٹیم میں شمولیت یقینی ہے۔ عثمان شنواری کے علاوہ رومان رئیس،محمد حفیظ،عمر امین،حارث سہیل،عماد وسیم اور صاحبزادہ فرحان کے نام بھی زیرغور ہیں۔