جڑانوالہ+ بچیانہ (نامہ نگار+ نمائندہ نوائے وقت) پول سے ٹکرانے پرکار میں آگ بھڑک اٹھی‘ 2 افراد جاں بحق‘ 3 زخمی ہو گئے۔ 9 بلاک جوہر کالونی فیصل آباد کا رہائشی ذیشان ولد خالد اور محلہ نور پور ستیانہ روڈ کا رہائشی شان علی ولد غلام محمد دیگر تین دوستوں کے ہمراہ کار پر لاہور روڈ کلہار ہائوس کے قریب تیز رفتاری کے ساتھ لاہور کی طرف جا رہے تھے اچانک مخالف سمت سے آنے والے ٹرک سے ٹکرا کر قریب بجلی کے کھمبے سے جا لگے جس کے نتیجہ میں کار کو آگ لگ اور کار میں سوار ذیشان اور شان زخموں کی تاب نہ لاتے ہوئے موقع پر جاں بحق ہو گئے۔ تین افراد شاہ خان ساکن باوا چک ، خرم شہزاد اور فیصل علی ساکنان غلام محمد آباد زخمی ہوگئے جن کو طبی امداد اور نعشوں کو پوسٹمارٹم کیلئے سول ہسپتال جڑانوالہ پہنچا دیا گیا۔