لاہور( این این آئی)پاکستان کرکٹ بورڈ نے نئی جونیئر سلیکشن کمیٹی تشکیل دیدی۔باسط علی کی جگہ سابق ٹیسٹ کرکٹر سلیم جعفر کو جونیئر چیف سلیکٹر مقرر کردیا گیا ہے ۔ کمیٹی میں سابق ٹیسٹ کرکٹر رائو افتخار انجم ، ارشد خان اور توفیق عمر شامل ہیں ۔ سابق فرسٹ کلاس کرکٹر ثناء اللہ بلوچ کو جونیئر سلیکشن کمیٹی میں بر قرار رکھا گیا ہے ۔ جونیئر سلیکشن کمیٹی یکم جولائی سے اپنی ذمہ داریاں سنبھالے گی۔