بالائی علاقوں میں گرج چمک کے  ساتھ چند مقامات پر بارش کی توقع 

اسلام آباد(نیوزرپورٹر) محکمہ موسمیات کے مطابق آج  اتوار کو ملک کے بالائی علاقوں میں گرج چمک کے ساتھ چند مقامات پر بارش کی توقع ہے جبکہ شدید گرمی کے باعث میدانی علاقوں میں گرد آلود ہوائیں /آندھی چلنے کا امکان ہے جبکہ بیشتر اضلاع میں موسم گرم اور خشک جبکہ وسطی اور زیریں اضلاع میں شدید گرم اور خشک رہے گاتاہم بالائی خیبر پختونخوا ،گلگت بلتستان اور کشمیرمیں گرج چمک کے ساتھ چند مقامات پر بارش کی توقع ہے۔ اس دوران شدید گرمی کے باعث ملک کے میدانی علاقوں میں بعد از دوپہر گرد آلود ہوائیں /آندھی چلنے کا امکان ہے۔گذشتہ 24 گھنٹے کے دوران ملک کے بیشتر علاقوں میں موسم گرم اور خشک جبکہ سندھ، جنوبی پنجاب اور وسطی/جنوبی بلوچستان میں شدید گرم رہا تاہم بارکھان 18، کالام 11 اور ڈی جی خان میں 06 ملی میٹر بارش ریکارڈ کی گئی۔ ہفتہ کو ملک میں زیادہ سے زیادہ درجہ حرارت سبی ، نورپور تھل48، جیکب آباد اور تربت میں 47 ڈگری سینٹی گریڈریکارڈ کیا گیا۔