فیروزوالا (نامہ نگار)  کامونکی کا رہائشی محمد اشرف بیوی رقیعہ اور بہن آسیہ بی بی اور کم سن بیٹے کے ہمراہ موٹر سائیکل پر سوار ہو کر لاہور سے کامونکی جا رہے تھے ۔ سڑک کی خرابی کے باعث موٹر سائیکل پھسل کر الٹ گئی تیز رفتار ڈیمپر کی زد میں آکر رقیعہ جاںبحق ہو گئی،زخمی اشرف اور اس کی بہن کو طبی امداد کیلئے ہسپتال داخل کرا دیا گیا جبکہ کم سن بچہ معجزانہ طور پر بچ گیا۔جی ٹی روڈ پر ننگل ساھداں کے قریب تیز رفتار ٹرک کی زد میں آ کر نوجوان اللہ یار شدید زخمی ہو گیا جسے طبی امداد کیلئے ہسپتال لایا گیا یہاں پر وہ دم توڑ گیا۔ لاہور روڈ پر چونگی سٹاپ کے قریب ٹرک بے قابو ہو کر الٹ جانے کے باعث ٹرک کا ہیلپر سلیم جا ں بحق اوراس کا ساتھی ذوالفقار زخمی ہو گیا جسے طبی امداد کیلیء ہسپتال داخل کرا دیا گیا۔