5ہزارسال پرانے شہرکراچی کوکھنڈربناکروسائل چھینے جارہے ہیں ،فاروق ستار

کراچی(وقائع نگار)انسداد دہشتگردی کراچی کی عدالت میں میڈیا ہاؤسز پر حملہ کیس میں ایم کیو ایم رہنما عامر خان، قمر منصور اورفاروق ستار اورپولیس کی جانب سے کیس کے گواہ عینی شاہد انسپکٹر علی رضا عدالت میں پیش ہوئے ،ملزمان کے وکلا نے گواہ کے بیان پر جرح مکمل کرلی ،عدالت نے آئندہ سماعت پر کیس کے مزید گواہاں کو طلب کرلیا ،گواہ نے عدالت کوبتایاکہ ملزمان نے اپنے رہنما کے کہنے پر پتھراؤ کیا تھا، عدالت نے کیس کی مزید سماعت 19 جون تک ملتوی کردی اس موقع اے ٹی سی میںغیررسمی گفتگوکرتے ہوئے فاروق ستار نے کہاکہ کراچی کا اس وقت ایسا حال ہے جیسا کہ یہ 5 ہزار سال پرانا شہر ہواس شہر کو کھنڈر بنا دیا گیا ہے، وڈیروں نے اسے اپنی کالونی بنادیا ہے اس منصوبے کے تحت یہاں سے کاروبار ختم کیا جارہا ہے جعلی ڈومیسائل بنا کر یہاں کی نوکری دی گئی ہیںانہوں نے کہاکہ بلدیاتی وسائل چھین کر اس شہر کو کھنڈر بنادیا گیا ہے فاروق ستارنے مزیدکہاکہ اس سلسلے میں جلد پریس کانفرنس کرکے اس سازش کو بے نقاب کروں گا۔