گوجرخان (نامہ نگار)مندرہ چکوال روڈ جاتلی کے مقام پر ٹریفک حادثہ ،فیصل آباد سے روات پولیس ٹریننگ سینٹر جانے والی پولیس وین ٹائر برسٹ ہونے کے نتیجے میںحادثے کا شکار، بس میں سوار 9 پولیس اہلکار زخمی تفصیلات کے مطابق گزشتہ روز فیصل آباد سے آنے والی پولیس وین جو کہ پولیس اہلکاروں کو روات ٹریننگ سینٹر لے کر جا رہی تھی جب مندرہ چکوال روڈ جاتلی مداری موڑ کے قریب پہنچی تو اس کا ٹائر برسٹ ہو گیا اور بس بے قابو ہو کر فٹ پاتھ پر چڑھ گئی جس کے نتیجے میں بس میں سوار 9 پولیس اہلکاروں انیس، ایم جواد، شہزاد، مدثر رضا، سکندر،ارسلان صابر، ایم ارسلان، شاہنواز، غلام حسین کو شدید چوٹیں آئیں ریسکیو 1122 مندرہ کی امدادی ٹیم،تھانہ جاتلی پولیس،ڈی ایس پی ملک رفاقت اور پیڑولنگ پولیس ٹاہلی موڑ بھی جائے حادثہ پر پہنچ گئیں اور ریسکیو 1122 نے زخمی پولیس اہلکاروں کو فوری طور پر مندرہ ہسپتال پہنچایا