ورلڈ بیچ ریسلنگ ‘انعام بٹ کو سیمی فائنل میں شکست‘کانسی کا تمغہ جیت لیا

لاہور(سپورٹس رپورٹر) قومی ریسلر انعام بٹ ورلڈ بیچ سیریز کے سیمی فائنل میں ہار کر گولڈ میڈل سے محروم ہو گئے۔ترکی میں جاری ورلڈ بیچ سیریز کے سیمی فائنل میں انعام بٹ کا آذربائیجانی حریف سے مقابلہ ہوا، جس میں انہیں شکست کا سامنا کرنا پڑا۔ تیسری پوزیشن کے میچ میں میزبان ترکی کے پہلوان سیفی اوزکایا کو دو صفر سے شکست دیکر کانسی کا تمغہ جیت لیا۔ اس سے پہلے قومی ریسلر نے میزبان ملک کے عبداللہ کو ہرا کر فائنل فور میں جگہ بنائی تھی انعام بٹ کانسی کے تمغے کیساتھ 31 مئی کو وطن واپس آئیں گے۔