یاسین ملک کا مقدمہ عالمی فورمز پر لڑیںگے،وزیر اعظم آزد کشمیر کا اعلان  

لاہور (نوائے وقت رپورٹ) وزیراعظم آزاد کشمیر سردار تنویر الیاس  نے حریت پسند کشمیری رہنما یاسین ملک کا مقدمہ عالمی فورمز  پر  لڑنیکا اعلان کیا ہے۔اپنے ایک بیان میں سردار تنویر الیاس کا کہنا تھا کہ  یاسین ملک کے لیے لڑے جانے والے مقدمے پر تمام اخراجات آزاد کشمیر حکومت برداشت کریگی۔انھوں نے کہا کہ یاسین ملک نے بندوق کا راستہ چھوڑ کر  پرْ امن جدوجہد کی،  تمام عالمی فورمز متفق ہیں کہ کشمیریوں کی تحریک آزادی جائز  تحریک ہے۔واضح رہے کہ بھارتی عدالت نیکشمیری حریت رہنما یاسین ملک کو  19مئی کو دہشتگردی کی فنڈنگ کے جھوٹے مقدمے میں مجرم قرار دیا تھا اور پھر 6 روز بعد 25 مئی کو بھارتی عدالت نے یاسین ملک کو 2 بار عمر قید کی سزا سنائی جب کہ ان پر 10 لاکھ بھارتی روپے کا جرمانہ بھی کیا گیا۔