سعودی عرب میں 7سال بعد  کبوتروں کا ’’ مقابلہ حسن ‘‘ 

ریاض(آئی این پی) سعودی عرب میں سات سال بعد کبوتروں کا مقابلہ حسن منعقد کیا گیا جس میں مختلف ممالک سے کبوتربازی کا شوق رکھنے والے16افراد نے شرکت کی ہے۔ سعودی ذرائع ابلاغ کے مطابق کبوتروں کی کامیاب قرار پانے والی جوڑی 55 ہزار ریال میں فروخت کی گئی، کبوتروں کے مقابلے کا اہتمام سعودی کبوترکلب کی زیر نگرانی کیا گیا تھا۔کبوتروں کے مقابلہ حسن میں سعودی عرب کے مختلف شہروں اور یورپ و امریکہ کے علاوہ افریقہ اور خلیجی ممالک سے بھی بڑی تعداد میں شائقین شریک ہوتے ہیں۔