والدین بچوں کو حصول علم کیلئے سکول لازمی بھیجیں : طاہرہ نجم

ملتان (نمائندہ نوائے وقت) انجمن تجارت ملازمت و زراعت پیشہ خواتین ملتان برانچ کی جانب سے قاسم بیلہ اجالا فری سکول کے طلباء میں کتابیں کاپیاں اسٹیشنری کاسامان تقسیم کیا گیا اس سلسلہ میں صدر طاہرہ نجم،پروین نیاز اور بلقیس زاہد نے قاسم بیلہ اجالا فری سکول کا دورہ کیا۔ تقریب سے طاہرہ نجم نے کہا کہ والدین بچوں کو حصول علم کے لیے سکول بھیجیں۔ تعلیم کے بغیر قومیں ترقی نہیں کر تیں ۔یہی سوچ رکھ کر سٹریٹ چلڈرن کیلئے انجمن تجارت ملازمت و زراعت پیشہ خواتین نے شہر میں تین اُجالا فری سکول قائم کئے۔