ملتان (نمائندہ نوائے وقت) ملتان الیکٹرک پاورکمپنی (میپکو)ملتان سرکل کی سیفٹی ٹیم نے دوران ڈیوٹی ایس او پیز پر عملدر آمد کروانے اور قیمتی جانوں کا تحفظ یقینی بنانے کے لئے گلبرگ سب ڈویژن کے زیر انتظام وہاڑی روڈکا دورہ کیا اور لوٹینشن لائن کی درستگی کرنے والی سب ڈویڑنل ٹیم کے مینٹی نینس ورک کا جائزہ لیا۔ سیفٹی سیل میپکو ملتان سرکل کے لائن سپریٹنڈنٹ گریڈ۔Iمحمد نعیم کی سربراہی میں ٹیم نے سب ڈویڑنل سٹاف کی لائنوں پر کام کرنے کے طریقہ کارکی چیکنگ کی۔ انہوں نے سٹاف کو ہدایت کی کہ قیمتی جانیں بچانے کے لئے ٹی اینڈ پی /پی پی ای آئٹمز کا استعمال ناگزیر ہے۔ لائن سٹاف اپنی جانیں بچانے کے لئے /ایس او پیز پر عملدرآمد کریں۔