لاہور(سپورٹس رپورٹر)عمان میں جاری جونیئر ایشیا کپ ہاکی میں پاکستان نے جاپان کو 2-3 سے ہراکر ایونٹ کے سیمی فائنل کیلئے کوالیفائی کرلیاملائیشیا میں ہونیوالے جونیئر ورلڈ کپ میں بھی جگہ پکی ۔ عبدالوہاب نے 2 اور ارباز احمد نے ایک گول سکور کیا۔ دوسرے منٹ میں کومپی یوسودا نے پنالٹی کارنر پر برتری دلائی۔  ارباز نے 23 ویں منٹ میں پنالٹی کارنر  پر گول کیا۔عبدالوہاب نے گول کرکے  برتری دلائی۔  ہوتا یامادا نے گول کرکے مقابلہ پھر برابر کیا ۔عبدالوہاب نے دوسرا گول کرکے ٹیم کو پھر برتری دلائی جو کھیل کے اختتام تک برقرار رہی۔