ایشیا کپ، پاکستان کا تجویز کردہ ہائبرڈ ماڈل قبول نہیں، بھارتی کرکٹ بورڈ

لاہور(سپورٹس رپورٹر)بھارتی کرکٹ بورڈ نے بوکھلاہٹ میں سچ کا ساتھ دے دیا۔بھارتی کرکٹ بورڈ نے ایک بار پھر ایشیا کپ کیلئے پاکستان کے ہائبرڈ ماڈل کی مخالفت کردی۔بھارتی کرکٹ بورڈ نے کہا ہے کہ ایشیاکپ کیلئے پاکستان کے تجویز کردہ ہائبرڈ ماڈل کی حمایت نہیں کرینگے۔ بھارتی میڈیا کے مطابق جے شاہ نے غیررسمی اجلاس میں بھارتی کرکٹ بورڈ کے موقف سے آگاہ کیا۔ ہائبرڈ ماڈل سے متعلق حتمی فیصلہ ایشین کرکٹ کونسل کے اجلاس میں ہوگا۔ سری لنکا،افغانستان اور بنگلادیش پاکستان میں میچز کھیلنے پر رضامندی ظاہر کرچکے ہیں۔ ہائبرڈ ماڈل پر عملدرآمد ہوتا ہے تو ایشیا کپ کے گروپ اسٹیج کے میچز پاکستان میں ہوں گے۔