عید کیلئے کل سے منڈی 24گھنٹے آپریشنل ہو جائیگی:کمشنر 

لاہور(خبرنگار)کمشنر لاہور ڈویژن زید بن مقصود کی زیر صدارت عیدالاضحی پر شاہ پور کانجراں مویشی منڈی میں انتظامات کے حوالے سے اجلاس ہوا۔ ایم ڈی پنجاب کیٹل مارکیٹ مینجمنٹ کمپنی تاثیراحمد نے شاہ پور کانجراں منڈی انتظامات پر بریفنگ دی۔ کمشنر لاہور کو بریفنگ میں بتایا گیا کہ عید کیلئے کل سے منڈی 24گھنٹے آپریشنل ہو جائیگی۔ جانور خریدنے والوں کی سب سے بڑی تعداد شاہ پور کانجراں منڈی میں آتی ہے۔ بریفنگ میں بتایا گیا کہ پنجاب اور پورے پاکستان سے بیوپاری شاہ پور کانجراں منڈی میں اپنے جانور لاتے ہیں۔ بریفنگ میں بتایا گیا کہ شاہ پور کانجراں میں 12 سی سی ٹی وی کیمرے بڑے پولز پر نصب 24 گھنٹے نگرانی ہوگی۔