گورنر سے پروفیسر خالد مسعود گوندل کی ملاقات، پیشنٹ کیئرمیں بہتری کی ہدایت

لاہور(کامرس رپورٹر) گورنر پنجاب سردار سلیم حیدر خان سے وائس چانسلر فاطمہ جناح میڈیکل یونیورسٹی پروفیسر ڈاکٹر خالد مسعود گوندل کی ملاقات۔ پروفیسر ڈاکٹر خالد مسعود گوندل نے گورنر پنجاب کو یونیورسٹی کی ریکنگ میں اضافہ، پورے ملک کے سیلاب متاثرہ علاقوں بالخصوص جنوبی پنجاب میں سیلاب زدگان کی مدد اور ریسرچ ، اکیڈیمکس کے معیار کو بہتر بنانے کے حوالے سے تفصیلی بریفنگ دی۔ اس موقع پر گورنر پنجاب سردار سلیم حیدر خان نے یونیورسٹی کی کارکردگی پر اطمینان کا اظہار کرتے ہوئے کوالٹی، سٹینڈرڈ اور پیشنٹ کیئر میں مزید بہتری لانے کی ہدایت کی۔ انہوں نے کہاکہ ضلعی سطح کے ہسپتالوں میں مریضوں کی دیکھ بھال میں مزید بہتری کی جائے۔