لاہور(سپورٹس رپورٹر)پاکستان نے آسٹریلیا کو دوسرے میچ میں تین صفرسے شکست دے کر تین میچوں کی والی بال سیریز میں دوصفر کی فیصلہ کن برتری حاصل کرلی ۔ لیاقت جمنازیم اسلام آباد میں کھیلے گئے میچ میں پاکستان نے پہلے سیٹ میں26/24 سے کامیابی حاصل کی ۔ دوسرے سیٹ میں مہمان ٹیم کو 19کے مقابلے میں 25پوائنٹس سے ہرایا ۔ قومی ٹیم نے تیسرا سیٹ 23کے مقابلے میں 25پوائنٹس سے جیت کر سیریز میں دوصفر کی فیصلہ کن برتری حاصل کرلی ۔ دونوں ٹیموں نے زبردست کھیل پیش کیا۔ تماشائیوں کی بڑی تعداد بھی موجود تھی ۔